ХУРЕШ

24 января 2022 год.

Хуреш уруглар садтарында

Ноябрь бир – Тѳрээн тыва дылывыс хуну. Чараш байырлалдын бүдүүзүнде Дамырак уруглар садынын улуг бѳлүүнге «Хуреш уруглар садтарында» деп республика чергелиг тѳлевилелди боттандырып, садик назылыг оолдарнын аразынга, тыва эр кижинин сүлде-сүзүүн бедидер үш чараш оюннарынын бирээзи тыва национал «Хуреш» маргылдаазын кижизидикчи башкылар, ол ышкаш күш-культура башкызы Донгак О.О. организастап эрттирген.

Чаш мѳгелер тус-тузунда боттарынын күжүн кѳргүзүп, келир үеде Тѳрээн чуртунга тѳлептиг мѳгелер болуп ѳзерин бүзүредип, маргылдаага идепкейлиг киришкеннер.

Изиг тутчуп келгениниң түңнелинде дараазында оолдар күш-шыдалы, чараш аргалары-биле ылгалып кѳстүп келгеннер:

1-ги черни – Кенен Ай-Найыр

2-ги черни – Сат Айыжы

3-4-кү черни – Санчат Чимит, Монгуш Сандан

«Чараш арга» —  Монгуш Дажы-Серен

«Чараш девиг» — Ооржак Аюхан

#Хуреш_в_детские_сады17